Bács megyei püspöki körlevelek, 1930
— 23 Nr. 1000. Congressus Eucharisticus publicatur. Nr. 889. Litterae Card. Secretarii Status. Zagrabiae diebus 14—17. augusti Congressus Eucharisticus habebitur, ad quem omnes Catholici Jugoslaviae cum honore et amore invitantur. Rescripto Commissionis praeparatoriae edocemur, necesse esse ut omnis populus in Jugo- slavia in uno nomine catholico adunatus suam fidem ad Eucharistiam et adhaerentiam inconcussam erga Ecclesiam ejusque caput coram regno orbeque solemniter manifestent. Eadem Commissio curam habituram se esse enuntiavit, ut unaquaeque lingua suam ecclesiam, oratoresque proprios obtineat. DD. Curiones rogantur, ut conventum instaurandum publicent, fideles suos ad apparendum provocent suaque optata commissioni dioecesanae via Curiae ABAe explicent. Programma partiale postea dimittetur. Suboticae, die 9. április a. 1930. SEGRETERIA DI STATO DI SUA SANTITA ** Dal Vaticano, die 16. Martii 1930. Nr. 88852. 111.me ac Rev.me Domine, Paterna admodum benevolentia Sanctissimus Dominus accipere dignatus est Petrianam stipem (Din. 30.000) quam boni tui fideles, per Apostolicum Nuntium, recens miserunt. In eo enim amantissimus Pater egregium studium agnovit quo isti filii, te quidem praeeunte, necessitatibus Apostolicae Sedis consulere pro facultate contendunt. Qua de re magnas grates agit Sanctitas Sua cum Amplitudini Tuae tum singulis oblatoribus: atque vicissim id pietatis officium paterna caritate rependens, in auspicium caelestium munerum tibi, clero populoque tuo Apostolicam Benedictionem libenti animo largitur. Ego vero, haec tibi renuntians, sensus existimationis maximae erga te meae profiteor, quibus sum et permaneo Amplitudini Tuae addictissimus E. Card. Pacelli. 111.mo ac Rev.mo Domino D.no LUDOVICO BUDANOVIĆ Episcopo tit. Cisamensi, Administratori Apostolico Bačiensi Suboticae, die 29. martii a. 1930. Dispensatio super impedimento mixtae religionis concedi non potest, nisi juxta Can. 1061. §. 2. conjux acatholicus cautiones in scriptis praestiterit, non solum coram officio parochiali, sed etiam coram notario publico. Haec reversales litterae ante matrimonium in parochiali officio praestandae, et in matriculas civiles notandae sunt. Iteratis vicibus autem fit, ut conjux acatholicus, ordinarie sponsus, documentum rever- sale coram notario publico vel coram praefecto regionis subscribat quidem, sed idem matriculario civili non ostendat, quia vel tacite revocaverit, vel in favorem acatholicae religionis immutaverit et hinc: cautiones de universa prole catholice baptisanda et educanda in matriculas civiles non inducantur et valorem suum amittant. Ex testimonio consueto, quod sponsis de matrimonio civili contracto extradari solitum est, non patet, an libellus reversalis in matriculas civiles illatus sit. Si vero libellus reversalis etiam in officio matriculari civili non ostendatur et in matriculas civiles occasione matrimonii ineundi non inferatur, proles ex matrimonio gignendae religionem parentum secundum genus sequuntur. Quamobrem ad probandum valorem reversalis ante copulationem extractus ex matriculis civilibus ad verbum exaratus ostendi debet, ex quo inductio libelli reversalis in matriculas civiles clare pateat. Dispensatio super impedimento mixtae religionis ea conditione conceditur, si valor reversalis a sponsis ante copulationem per extractum ex matriculis civilibus ad verbum exaratum probatur. Data dispensatio ipso facto nulla habenda est et sponsi, quamvis in ecclesia apparuerint, copulari non poterunt, nisi hujusmodi extractum officio parochiali praebuerint. Suboticae, die 2. április a. 1930. Ministarstvo građevina upravilo je pod 31. XII. 1929. br. 131.964 svim poštanskim upravama odredbu, da se odsele prema čl. 13. zakona o srpskoj pravoslavnoj crkvi svi službeni podnesci i amanetna pošta (novčane pošiljke t. j. uputnice i vrednosna pisma) svih crkvenih vlasti i ustanova oslobađaju od plaćanja poštarine kao i od plaćanja brzojavnih taksa. Što se časnom svećenstvu priopćuje na znanje i ravnanje. Suboticae, die 3. április a. 1930. Nr. 980. Cautiones in mixtis matrimoniis. Nr. 977. Immunitas a taxa postali.
