Bács megyei püspöki körlevelek, 1929
- 33 VII. Ad perpetuam rei memoriam. — Anno Jubilari MDCCCCXXV Beato Joanni Baptistae Vianney, Presbytero Confessori, qui a Vico Ars, in quo est parochi munere functus, nuncupatur, Sanctorum honores tributi sunt; atque anno MDCCCCXXVII1, cum ejusdem Officium Missaque adprobata fuerint, festum sancti parochi ipsius ritu duplici celebrandum ad universam Ecclesiam extensum est. Nunc autem ab Episcopo Bellicensi, cujus dioecesis intra fines exstat Ars vicus, nomine quoque aliorum fere quadringentorum ex variis et fere cunctis terrae regionibus Archiepiscoporum Episcoporumque, rogati sumus, ut tamquam caelestem Patronum animarum curatoribus ubique terrarum degentibus Sanctum loannem Baptistam Vianney condere dignaremur. Nil enim magis opportunum videtur quam ita parochis omnibus exempla praebere ipsius sancti viri, quem in paroeciali munere obeundo insignem Ecclesia dilaudat. Etenim ex ejusdem sedulitate in animarum cura gerenda jam etiam Decessor Noster rec. mem. Pius Pp. X. anno MDCCCCV, Beatum Joannem Baptistam Vianney illico post sollemnem ejus Beatificationem constituit caelestem Patronum universis presbyteris, qui in Galliae dioecesibus parochi munus gererent. Id profecto attento seduloque studio Nos considerantes, precibus concedendum existimavimus tantorum Praesulum, qui, quinquagesimi anni ab initio Nostro sacerdotio occasionem nadi, vota faciunt impensa ut hujusmodi largitas spiritualis, quam a Nobis instanter efflagitant, Jubilaei Nostri cum memoria apud posteros coniungatur, ejusdemque ita peculiaris exstet recordatio. Conlatis propterea consiliis cum Camillo Sanctae Romanae Ecclesiae Cardinali Laurenti, Diacono Sanctae Mariae Scalaris, Sacrae Rituum Congregationis Praefecto, motu proprio atque ex certa scientia ac matura deliberatione Nostris, deque apostolicae Nostrae postestatis plenitudine, praesentium Litterarum tenore Sanctum Joannem Baptistam Vianney Confessorem, qui insignis et apostoli- cus vir ac parochus oppiduli Ars nuncupati fuit, caelestem Patronum omnium parochorum seu animarum curatorum totius Urbis et Orbis constituimus ac declaramus. Haec ad spirituale parochorum bonum ubique terrarum provehendum concedentes, statuimus, decernentes praesentes Litteras firmas validas atque efficaces jugiter exstare ac permanere, suosque plenos atque integros effectus sortiri et obtinere, iliisque ad quos spectant sive spectare poterunt amplissime suffragari ; sicque rite judicandum esse ac definiendum, irritumque ex nunc et inane fieri, si quidquam secus super his, a quovis, auctoritate qualibet, scienter sive ignoranter attentari contigerit. Non obstantibus contrariis quibuslibet. Datum Romae, apud Sanctum Petrum, sub anulo Piscatoris, die XXIII. m. április an. MDCCCCXXIX, Pontificatus Nostri octavo. P. Card. Gasparri, a Secretis Status. Suboticae, die 15. septembris a. 1929. Ad humiles enixasque preces Revmmi Domini Hyacinthi, Episcopi Augustodunensis, supplicia quoque depromentis vota plurium Emmorum S. R. E. Cardinalium, fere innumerabilium Sacrorum Antistitum, necnon Superiorum Ordinum et Congregationum religiosarum, praeeunte universa familia Monialum Ordinis Visitationis B. M. V., ab infrascripto Cardinali Sacrae Rituum Congregationi Praefecto relatas, Sanclissimus Dominus Noster Pius Papa XI. qui per Litteras Encyclicas „Miserentissimus Dominus,“ die 8. maii 1928., Sacratissimi Cordis Jesu festum, expiationis et reparationis more, firmius solemnisque celebrari jusserat, atque ad altiorem ritum et nobiliorem solemni- tatem evexerat — alterum quoque festum illi priori et digniori, veluti congruum additamentum, latius amplificare cogitavit et voluit ; nempe Sanctae Margaritae Mariae Alacoque, Virginis, quae divini Cordis fidelis discipula et amantissima filia se totam devovit eius honori et cultui propagando. Quare ipse Beatissimus Pater, votis et postulationibus sibi porrectis libenter obsecundans, festum Sanctae Margaritae Mariae Alacoque, pluribus dioecesibus et piis religiosisque Institutis jam indultum, suprema et apostolica Sua auctoritate, pro utroque Clero ad universam Ecclesiam extendere dignatus est. Insuper officium cum Missa proprium nec non Elogium Martyrologio Romano addendum, prouti ea in superiore prostant e- xemplo, ex Sacrae Rituum Congregationis conNr. 2875. S. Joannes B. Vianney Patronus omnium parochorum constitutur. Nr. 2879. Festum s. Margaritae Mariae Alacoque ad universam Ecclesiam exsen- ditur.
