Bács megyei püspöki körlevelek, 1929
Nr. 1252. Litterae Card. status Secretarii. Nr. 1253. Symbolae et taxae a. 1928.- 19 — IV. Die 8. februarii a. c. adii Excellentissimum Dominum Nuntium Apostolicum in Beograd, ut symbolas a clero et populo fideli ABA-e pro operibus catholicis oblatas Romam mittere dignaretur. Applicavi simul et declarationem fidelitatis Clerus Bačiensis populique fidelis, quam ut Suae Sanctitati benignissime interpretari Excellentia Sua non dedignaretur, enixe obsecravi. Litteras Suae Sanctitatis per Emssum D. Card. Gasparri, Secretarium Status missas in sequentibus notas facio. Segretaria di Stalo di Sua Santita. Dal Vaticano, die 13. Martii 1929, Nr. 78301. da citarsi nella risposta. Illme ac Revme Domine, Faustissimum Augusti Pontificis Jubilaeum iu- cundam praebuit occasionem, ut clerus populusque istius Dioecesis, te quidem praeeunte, suum erga communem Patrem obsequium et amorem filialem luculenter profiteretur. Quod sane testimonium libenti gratioque animo excepit Sanctitas Sua; eo magis quod te anno vertente, uti per Apostolicum Nuntium cognovit, sollemnia istic sacra et peregrinationes ad Urbem indicere habes in animo. Quapropter Summus Pontifex, dum gratias agit plurimas pro delatis officiis itemque pro Petriana stipe (Din. 36200), caelestia omnia ac salutaria tibi vicissim precatur; imprimisque ut res catholica istic magis magisque floreat ac vigeat. Atque in horum divinorum munerum auspicium, simulque in peculiaris dilectionis Suae testimonium, tibi universoque tuo clero ac populo Apostolicam Benedictionem peramanter impertit. Haec tibi referens, occasione utor sensus existimationis maximae erga te meae profitendi, quibus et permanere gaudeo Amplitudini Tuae addictissimus P. Card. Gasparri Illmo ac Revmo Domino Dno. Ludovico Budanović Episcopo tit. Cisamensi Adm. Apostolico Bačiensi. Suboticae, die 20. április a. 1929. Rationes, quas Officium Rationum de symbolis et taxis anno 1929. perceptis Ordinario substravit, Ordinarius ratihabuit et ad concernentes Congregationes mittandas uti inferius ostenditur curavit. Pro stipe Petriana .... 36'200 Den. Pro sepulchro Hierosolymitano 9’000 Pro missionibus .... 10'430 Taxas pro dispensationibus 10780 Summa 66'410 Den. Suboticae, die 20. április a. 1929. Concursus ad seligendos juvenes, spei bonae, pietate et ingenio praestantes, e dioecesi oriundos, ad clerum indigenum creandum, praesentibus indicitur. Parochi parentes, professores religionis vero discipulos suos et edocere et adhortare officii esse noverint. Inter alumnos seminarii minoris asciscentur discipuli, qui classes IV., V., VI., vel VII. cursus gymnasialis cum successu bono persolverint, ad studia Theologiae vero juvenes examine maturitatis praediti admittentur. Alumni gymnasiales juxta vires materiales parentum expensa provisionis solvere debent. Summas per menses offerendas parentes praevie significare, parochi vero de facultatibus eorum et rebus familiaribus relationem accuratam ad Ordinarium referre debent. Parentum erit etiam ulterius curam habere vestium, librorum et aliorum mediorum discendi, lavandi et medendi. Clerici ss. Theologiae studentes provisionem gratis percipient. Ad concursum documenta sequentia requiruntur: a) Litterae supplices juvenis et declaratio parentum; b) Extractus ex libris Baptisatorum gratis et sine tymbrio ab officio parochiali exaratus; c) Testimonium moralitatis a parocho vel a proprio catecheta commendans. Recursus cum documentis superioribus ante diem 1. mensis junii ad curiam ABAe submittendi sunt. Candidati concurrentes testimonia originalia de classi persoluta usque ad 10. julii eodem submittant. Juvenes non repudiati ante meridiem die 5. augusti in Domo Sacerdotali (IV. Haramba- šićeva ul. 7.) appareant, quo inspectio medici eorum observabitur. Susceptio alumnorum die 6. augusti in sessione Consultorum peragetur. Diebus 5. et 6. augusti concurrentibus gratis providebitur, ast pro inspectione medicinali 60 Denarios ipsi solvere debebunt. Suboticae, die 17. április a. 1929. Nr. 1185. Concursus indicitur.
