Bács megyei püspöki körlevelek, 1926
— 29 — VII. Litterae Circulares ad omnes Ordinarios, de sacerdotibus valetudinis vel rusticationis animique causa extra suam dioecesim se conferentibus. Rme Domine uti Frater. Sacrae huic Congregationi exploratum est, sacerdotes quosdam, aestivis potissimum et autumnalibus temporibus, cum valetudinis causa rusticationem in montibus aut iuxta mare suscipiant, vel ad aquas salubritate praestantes proficiscantur, ut balneo vel potu utantur, vixdum sacro peracto, reliquum diei tempus in voluptuariis conversationibus traducere, theatra, saltatorios ludos, cinemato- grapha, quae vocant, et cetera huiusmodi spectacula adire, quae sacerdotis dignitatem prorsus dedeceant Nonnullos etiam, talari veste deposita, profanum omnino vestitum induere, ut magis liberi ac soluti evadant. Huc accedit ut, ceteris etiam temporibus, sacerdotes non desint, qui huiusmodi libertati indulgendo, profanam sibi vestem induant quo urbes non noti invisant, et indecoris et haud honestis spectaculis intersint. Ut autem gravissimum hoc detrimentum, pro facultate, reparetur, simulque praecaveatur, ne huiusmodi sacerdotum numerus infeliciter increbrescat, ideoque morbus contagione pervulgetur, haec Sacra Congregatio Concilii, dum postulat ut Ordinarii omnes in hanc rem mentem et animum diligentissime convertant, praescripta quae sequuntur servanda decrevit: 1. Sacerdotes qui e propria dioecesi, valetudinis causa, per aliquod tempus discedere cupiant, id Ordinario suo submisse petant, tempus pariter denuntiantes profectionis et reditus itemque loca, quo se conferre constituerunt. 2. Curent Ordinarii ut eas causas, quibus, Innixi sacerdotes facultatem discedendi e dioecesibus postulaverint, accurate reputent ac decernant; postulantium mores vitaeque rationem prius diligenter perpendant et nonnisi caute eiusmodi facultatem largiantur. 3. Exigant insuper ut sui sacerdotes semper riigant ea diversoria seu hospitia, quae Dei administros non dedeceant. 4. Ordinarii praeterea horum sacerdotum lomina quantocius Curiae illius dioecesis renun- :ient, quo iidem se conferent, itemque significent cum tempus eisdem concessum, tum diversorium seu domum, in qua hospitio excipientur. 5. Itidem sacerdotes, cum ad locum pervenerint, ubi commorari cupiunt, quam primum Curiae illius loci se sistant, vel, pro rerum ad- iunctis. Vicarium foraneum sin minus parochum adeant, qui deinceps rem Ordinario suo referre debet. 6. a) Ordinarii autem locorum, quo sacerdotes valetudinis causa se conferre solent, sacerdotibus, inibi commorantibus sedulo attenteque invigilent, vel per se vel per sacerdotes, quibus hoc peculiare munus demandaverint; et ad sacra facienda eos non admittant, nisi iis, quae supra diximus, praescriptis obtemperaverint. b) Ut autem hi sacerdotes facilius in officio contineantur, opportunaspoenas constituant, quibus afficientur si scandalum dederint, vel si quoquo modo aliquod egerint, quod sacerdotali munere indignum sit. c) Comminari etiam possunt suspensionem ipso facto incurrendam si publica theatra, cine- matographa, ludos saltatorios ceteraque huiusmodi profana spectacula adeant, vel si talarem vestem deponant. d) Denique poenis, ad sacrorum canonum normam, hos ecclesiasticos reapse multent si huiusmodi praescriptis ceterisque Ecclesiae legibus non obtemperaverint. e) Propriae istorum ecclesiasticorum Curiae rem diligenter referant, et, si opus fuerint, Sacrae etiam huic Congregationi. 7. Hac in causa, etiam quoad Religiosos Ordinarii invigilent, poenasque, si deliquerit, ad sacrorum canonum normam decernant, eosque Superioribus maioribus denuntient. Interim quo par est obsequio cuncta fausta Tibi a Domino adprecans permaneo Romae, ex Secretaria S. C. Concilii 1. julii 1926. Amplitudinis Tuae Uti Frater Donatus Card. Sbarretti, Praefectus. + Julius, Episcopus tit. Lampsacensis, Secretarius. Quae omnia pro congrua notitia et exacta observantia publico ea observatione, ut quoad vestem talarem amplius quoque sit standum mandato Chori Episcoporum Jugoslaviae in Epistola Nr. 1565. De sacerd extra dioecesim se conferentibus
