Kubinyi András: Tanulmányok Budapest középkori történetéről II. - Várostörténeti tanulmányok 11/2. (Budapest, 2009)
Arcok a középkori Budáról - A nürnbergi Hallerek Budán. Adalékok a késő középkori dél-német kereskedelem történetéhez
740 Arcok a középkori Budáról Aber auf ir selbs zuesagen unnd purgschafft das sy mir gethan hat, hab ich solhe heirat getroffn, Derhalbn bin ich mir selbs wie die frau Kleein furgibt nit wider wertig, synder sy ir selbs, unnd solich zuegesagt heiratguet pillichn ersuech. Zeuch ich mich deßhalbn in die gemain aller Kaiserlichen rechtn „promittendo dotem omtnes obligantur” Lex genersliter Codice ad senatus consultum Velleianum, unnd in das gsez promittendo dotem ff [= Dig.] de jure dotium. Zum anndem, hochweiß herren, wie die frau Kleein verer furgibt, ob ich von wegen der morgengab clagen welle, soi ich weisen, das ich von meiner kinder tutom oder obrigkeit gwalt haben soll etc. wie dan derselbig artickhl durchaus vermag. Darauf, h, W. hem, ist dise mein anntwurt: solh heiratguet ist mir von wegen der heirat propter nuptias von der fr. Kleein zuegesagt unnd versprochn wordn, nit meinen kindem oder anndern leutten, sonder allain mir. Derhalben ich pillichen clag, auch nit von notten ist, gewalt von der Tutorn oder obrigkait meiner kinder furzupringen, wan ich legittimus Tutor rechter natürlicher gerhab meiner kinder bin, unnd annder niemants zu Gerhabn bedarf. Ich clag in namen meiner person von wegen meines versprochen zuegesagtn Heiratguets unnd purgschafft, Das mir von der frauen Kleein unbezalt ausstet. Beger derhalbn unangesehen der frauen Kleein mutwillig flucht unnd eintrag, mich zu meiner Weisung mit urtl unnd Recht rechtlichn zuzulassen, das die mergedachte Kleein, mir solh heiratguet versprochn unnd selbs darfur purg worden ist, wie mein clag derhalben meldung thuet. Bestet auch verer der Kleein kain unform durchaus nit, wann mein clag rechtmessig pillich unnd Erber ist, darumbn ich rechtliche erkanntnuß von herrschafft leiden mag. Sez die sach darauf, so fern die Kleein nichts neus einfuert eur Hochweisat zu rechtlicher erkanntnus, Das ich zu meiner Weisung pillich zuegelassen werde, mit darlegung der Expennß, Vorbehaltung ferer aller Rechtlicherfer] behelf, freihait und notturft wie gwonhait unnd recht ist, E. E. W. Underteniger Hanns Haller mitburger zu Ofen 21. Kelet nélkül (1531 körül). Die annder gschrift Hannsen Hallers contra Anna Klein dieadoption betroffunt [!] Fursichtiger Namhaffter hochweiser her Stat richter und ander Nambhafitig hochweiß herren! Jch wil kürzlich mein vereinkhumen Rechtmessig clag wider die frau Anna Kleein Emeurt und wider ir undiennstilch flucht und Exeption Reproduciert habenn. Unnd zaig E. E. W. anfennckhlich an, das ich der Kleein in chainerlay weg bestee, das ich die adoption solte verwurcht haben, wurdt solhs mit grünt mineriner [nimermer?] beibringen noch weisen mugen. Zum anndern zaigt die frau Eur herschafft an, sy künde mein faull anbringen nit versteen, muss ich irs paß leittern. Ich zaig e. w. also an: Nachdem der adoption brieff aufgericht worden ist, hat sy von Her Emerichen seligen ob den zehen tausennt floren emphanngen. Davon beger ich rechitlichen unnd pillichen den drittn tail, wie dan mein Clag solichs ausweist, unnd der adoption brieff bezeugen thuet. Unnd nach dem die Khleein solichs emphanng leugen thuet, Erbeut ich mich solichs zu weisen. Beger mich auch zu solichier Weisung rechtlichen zu zuelassen oder verbriger [!] weysuug ausgeslossen.
