Molnár Antal: Egy raguzai kereskedőtársaság a hódolt Budán - Források Budapest közép- és kora újkori történetéhez 2. (Budapest, 2009)
Dokumentumok - III. A társaság működésével és felszámolásával kapcsolatos dokumentumok
290 Hac de caussa illum constituerint in eorum procuratorem,168 ut liquidius constat per169 procurationis mandatum et per commissionem hinc dicto ser Seraphino missam a dictis dominis conservatoribus, cuius quidem commissionis exemplum hic Rhagusii remanet, ad quam commissionem relatio habeatur. Et volens ser Scipio Michaelis de Bona pro abundantiori cautione dicti ser Seraphini illum cautiorem reddere de dicta solutione provisionis ei facienda, et preterea de omnibus expensis dicto ser Seraphino occurrendis, tam in conferendo se ex Serraevo in Budam, ubi dicta bonorum exactio et recuperatio facienda erit, et in redeundo illinc huc vel in Sarraevum, quam de quibusvis aliis expensis per ipsum ser Seraphinum in quibusvis occurrentiis dicte conservatorie, et quoquo modo faciendis quousque ad dicte conservatorie servitia steterit. Hinc est, quod personaliter constitit coram me notario predictus ser Scipio Michaelis de Bona, sponte se constituit plegium et principalem solutorem dicto ser Seraphino licet absenti pro predictis dominis conservatoribus et pro solutione predicte annue provisionis sibi promisse ab ipsis dominis conservatoribus, necnon pro solutione et satisfactione omnium et singularum expensarum, quas ipse ser Seraphinus quoquo modo pro occurrentiis dicte conservatorie faceret seu facere posset, quousque ad dicte conservatorie servitia steterit. Ita ut si dictus ser Seraphinus de predicta provisione et expensis non fuerit solutus et satisfacturus ex bonis et effectibus dicte conservatorie, quod tunc et tali casu ipse ser Scipio tanquam plegius et principalis solutor ut supra constitutus teneatur, prout teneri voluit et vult, atque se ita cum bonis suis omnibus obligavit et obligat solvere et satisfacere de suo proprio dicto ser Seraphino omne id totum et quidquid ipse ser Seraphinus tam causa predicte sue provisionis, quam expensarum per eum faciendarum consequi et habere deberet, idque pollicitus est omni meliori modo. Renuntiando. 168 Betoldás / Einschub: eique pro sua provisione unius anni promiserint et assignaverint tallaros trecentos, ut vulgo dicitur netti da tutte spese, et si plus uno anno eum ad servitia dictae conservationis detinerint, illi dare promiserint pro eo tempore provisionem rata portione dictorum 300 tallerorum. 169 A „per” szó kétszer szerepel. / Das Wort „per” tritt zweimal auf.
