Pest-Budai hivatali utasítások a XVIII. században - Budapest Főváros Levéltára forráskiadványai 6.(Budapest, 1974)
PEST - (Utasítások a tanácsnak) - 26. A tanács utasítása (Laífert Ferdinánd báró, kir. kamarai biztostól) 1731. aug. 7.
Decimo tertio. Curabit praeterea amplissimus magistratus, quod dum singulis quatuor temporibus vinum solius civitatis educillaretur, reliqui cives ab educillatione proprii vini in civitate sub certa poena arcerentur, ut in domibus quoque extra civitatem constitutis hujusmodi vini educillatio sub pari poena civibus interdicatur, prout jam per modernum dominum interdicta esset, neve Judaeis aut aliis vagabundis hominibus in domibus suburbialibus absque praescitu domini judicis hospitium admittatur. Decimo quarto. Ex quo restrictio aut compendiatio salariorum ad delegatam hancce commissionem regiam directe non pertineret, adeoque communitas benignam hoc in passu suae Sacratissimae Caesareo Regiae Majestatis ordinationem praestolandam habebit. Decimo quinto. Pro acceleratione et facilitatione civitatis hujus negotiorum dominus judex, quemadmodum annis superioribus in usu erat, ad commissiones judiciarias in rebus minoris considerationis subjecta ex exteriori quoque senatu, habita qualitatis et capacitatis ipsorum ratione applicabit, ut semet ad subeunda alia etiam publica officia qualificatos reddere possint; majora tarnen in pleno senatus suo modo et ordine pertractentur et concludantur. Decimo sexto. Exigente ita publico hujus civitatis commodo amplissimus magistratus pro nunc tres quartalistas, quos communitas aptos et idoneos judicaverit, constituet; quarteriorum vero magistro usque ad affuturum novum annum in sua functione permanente, et siquidem idem quartiriorum magister ejusmodi functionem suam coram delegata hac commissione regia pro tunc resignasset, itaque in locum ejusdem eotum quartus quartalista per eundem magistratum subordinetur. Quorum muneris erit militiam per classes suas observata recta proportione inter cives dislocare. Decimo septimo. Pro majori viduarum et orphanorum securitate et avertenda omni ex parte sinistra suspitione toties repetitus magistratus in casu cujuspiam decessus, in signum magistratualis etiam jurisdictionis, remansam decedentis substantiam absque discretione nationalitatis, tam videlicet Germanorum, Hungarorum, quam etiam unitorum et Graeci ritus Rascianorum civium et incolarum obserari et per juratas ad id personas inventari procurabit. Decimo octavo. Cautum sit amodo deinceps, ne urbarii praefectus dimensurationem aut distributionem fundorum, cujuscunque nominis aut speciei illi sint, per se et sua authoritate perficiat, verum dum et quando talis occurrerit, idem urbarii praefectus semet eatenus apud ipsum magistratum insinuare tenebitur. Decimo nono. Pro compendio expensarum civitatis per delegatam hancce caesareo regiam cameralem commissionem statuitur, quatenus janitor primarius intuitu bene meritorum et veteranorum servitiorum suorum, qua aliunde senio confectus in functione ad usque residuos vitae suae dies permaneat, ipso vero decedente non plures praeter unicus cum consueto suo salario per dictum magistratum teneatur. Praeterea satrapae duo, quorum pro nunc penes hancce civitatem quatuor numerarentur, velut minus necessarii, pro nocturnis vigilibus, ex quo moderni duo vigiles per totam civitatem haud sufficerent, adeoque pro quatuor civitatis partibus cum consueto salario magistratualiter substituantur. Vigesimo. Occasione publicarum nundinarum ad perceptionem proventuum nundinalium non applicentur amplius soli cancellariae accessistae vel cancellistae, 103
