Scriptores Ordinis S. Benedicti qui 1750-1880

Pius Zingerle Marienbergensis, qui tam subtiliter versatus est in litteris orientalibus ; Antonius Reyberger, Abbas Mellicensis, cuius liber, qui est de doctrina morali, per multos annos in scholis theologicis legebatur, eiusque sodalis Gregorius Meyer, qui de explanatione novi testamenti bene meritus est ; Altmannus Arigler, Abbas Gottvicensis, qui propter scripta theologica in academia Vindobonensi doctoratus laurea insignitus est; Hieronymus de Besänge Cremifanensis, cuius „Introductio in vêtus testamentum critico - hermeneutico - historica" aliaque magni aestimantur, eiusque sodales Constantinus et Silvester Langhaider fratres, quorum posterior canonista clarus fuit, Antonius Viehbäck rerum orientalium peritus, Ignatius Schüch, nostrae aetatis vir, cuius liber de theologia pastorali omnibus huius generis scriptis praestat ; Benedictus Oberhauser, Lambacensis, qui scriptis de iure canonico bene est meritus; Placidus Boekhn a s. Petro Salisburgi, canonista eruditissimus et multorum librorum scriptor, Rautenstrauch, Abbas Braunaviensis eiusque sodalis Hieronymus Frida, professor artis hermeneuticae insignis; Conradus Othmar Raigradiensis, qui de doctrina scholastica multos edidit libros ; professores in Monte Pannoniae Tobias Mollik in theologia dogmatica eruditissimus et pastoralis magister, Valerius Bailay, qui de theologia universali multos libros conscripsit, Michael Rimely, postea monasterii abbas princeps, Ioannes Ruzsicska, uterque canonista eruditissimus. Armenici quoque ordinis sodales magna cum diligentia theologiam tractabant. Numerantur enim multi scriptores, quorum optimi sunt Balgian Alexander, Azaria Aristaces. Litteris quoque asceticis et sacris contionibus filii s. Benedicti laudabiliter occupati erant. Optimi scriptores ab anno 1750 nominantur: Wolfgangus Holzmayr, ultimus Abbas Gluniacensis, clarissimus orator, qui Massilionis et Bossuetii operibus animum conformaverat ; Rudolphus Graser Cremifanensis, cuius sermones nuper de integro editi sunt ; Breyer Hugo Sanpaulensis ; Adrianus Gritsch Scotensis ; Lierhaimer Bernardus Maria, ex monasterio Muro-Gries, qui libros asceticos et contiones sacras edidit; Augustinus Scherer e Fiecht, cuius opera fontes sunt uberrimi sacrorum sermonum. Similiter ad studia catechetica et paedagogica tempus et diligentiam adhibebant. Excellebant Franciscus Schroek, Valerianus Ramozy, de Monte Pannoniae ; Basilius Wagner Mellicensis ; Azaria Aristaces Mechitharista : Leo Peternader et Sigismundus Felloecker, Cremifanenses. Philosophiae, cum iam Bertholdus Vogl, qui postea Abbas Cremifanensis factus est, auditores non solum rationibus peripatetico-thomisticis sed etiam doctrinis Leibnitzii et Wolfii imbuisset, magna commutatio a Kantio, Schellingio aliis facta P*