Scriptores Ordinis S. Benedicti qui 1750-1880
a praefectis Helveticis 1841 domo pulsis Gries monasterium canonicorum prope Bolzanum in Tiroli situm ab imperio Bavarico 1807 abolitum cum omnibus fundis concessit, ut esset prioratus. Eandem benevolentiam Ferdinandi nepos, Franciscus losephus, qui vere pater populorum nunc gubernacula tenet, ordini s. Benedicti praestat. Is permisit, ut monachi b. Mariae de Praetalea Dailae in Istria 1866 domicilium sibi constituèrent, et sodales congregationis Beuronensis lege Borussica 1875 ex patria pulsi primum in monasterium s. Caroli de Volders prope Hall ad Oenum confugerent, et 1880 per cardinalem de Schwarzenberg in possessionem monasterii Emautini Pragensis venirent. Brevi etiam vota exaudiebantur, ut ordo artius cum sede apostolica coniungeretur, itaque eius instauratio praepararetur. Quae vota a cardinali de Schwarzenberg, archiepiscopo Salisburgensi et primate Germaniae magno opere adiuvabantur. Hoc archiepiscopo auctore a sacra congregatione episcoporum et regularium ante diem tertium Calendas Apriles anni 1842 decretum est, ut ipse visitator apostolicus trium annorum fieret, eique potestas daretur „idoneas personas ecclesiasticas sibi benevisas in convisitatores prout in Domino iudicaverit" eligendi, qui visitarent monasteria tarn in spiritualibus quam in temporalibus ; simulque hoc mandatum est, ut monasteria et sua et dioecesium subiectarum (Salisburgensis, Gurcensis, Lavantensis, Brixinensis, Tridentinae) congregatione inter se coniungeret. Haec tamen prospéré coepta cum aliis rebus, tum seditione illa anni 1848, qua non solum monasteria sed impérium ipsum in discrimen vocatum est, ad inritum redacta sunt. Vix vero haec pestis fortitudine exercitus victoris exstincta, terraeque pacatae erant, cum ordinis instauratio denuo fieri coepta est. Thomas abbas Cremifanensis monasteria artiore vinculo inter se coniuncturus cum eorum abbatibus 1802 legum adumbrationem communicavit , quarum summa erat, ut monasterium quodque ab abbate libere electo regeretur, omnia vero monasteria congregationem inirent, eique praeses et duo abbates in comitiis generalibus electi praeessent. Hi tertio quoque anno omnia monasteria visitarent. Similiter episcopi Austriaco-Hungarici 1849 et i85o Vindobonae et Grazii congregati ut omnia monasteria ita Benedictinos in melius constituere decreverunt. Quod cum placeret Summo Pontifici, cardinalis Fridericus, princeps de Schwarzenberg, visitator generalis est factus. Is ad complures episcopos Austriacos idem munus detulit (i 856 —1858). Itaque congregatio Austriaca orta est, cuius sodales monachi Salisburgenses et Lambacenses erant. Reliqua quoque monasteria, ut consociarentur, expetebant, iamque Ludovicus abbas Seitenstettensis , ut eorum leges
