Scriptores Ordinis S. Benedicti qui 1750-1880

est. Wolfgangus pius episcopus Ratisbonensis, fidus ille s. Benedicti filius, Bohemiam potestati suae subiectam a dioeeesi sua seiunxit et 970 Benedictinum Tietmarum Magdeburgensem primum suae potestatis episcopum Pragensem agnovit T). Huius igitur sub auspiciis ordo primum domicilium in Bohemia conlocavit. Wlada enim pia ducis filia cum compluribus sui similibus adiuta a fratre Boleslao II. post annum 970 primum s. Georgio dedicatum coenobium monacharum Pragae condidit 2). Viginti annis post monachi ipsi in ea terra, quo iam tot apostolos miserant, manens domicilium aedificato monasterio Brevnoviensi sibi constituerunt. Prima haec colonia a s. Adalberto, secundo episcopo Pragensi, deducta est, qui ipse olim veste simplici s. Benedicti Romae in monasterio s. Alexii et Bonifacii indutus anno 998 duodecim monachos ex eodem coenobio advocavit 3). Ibi monachi paulo post officiis ordinis fungi coeperunt. Sedularum apium ritu hinc partim eremitae partim plures congregati in loca deserta intrepidi penetrarunt, silvas densissimas exciderunt, exiguis suis cellis et ecclesiis Signum salutis imposuerunt. PIoc modo saeculo undecimo Raigradium 4) et Monacogradecium 5) monasteria orta sunt. A monasterio Brevnoviensi s. Procopius profectus primum in solitudine ad Saczawam delituit, postea vero, cum sanctitate eius complures alii adlicerentur, ex stipe conlata sacellum et monasterium aedificavit, in quo sub regula s. Benedicti militabant 6). Quod exemplum etiam Nicolaus Bfevnoviensis secutus in loco deserto ad Opatovicum prope Reginogradecium cellam sibi exstruxit, ex qua postea monasterium prodiit 7). Haec igitur monasteria coloniae erant Brevnovii, quod ipsum, ut supra diximus, originem ex monasterio s. Alexii et Bonifacii Romano traxit. Verum etiam ex Germania ordo novas vires accepit. Boleslaus II. enim dux Bohemiae, quantum filii *) Frind, Kirchengeschichte von Böhmen. 2) Hoc monasterium magnis fortunis exornatum erat. Non minus 129 vici vel omni ratione, vel ex parte ei subditi erant. Frind 1. c. 3) De hoc monasterio exstruendo et exornando optime meruit Boleslaus II. Dux Bohemiae. Vide : Breve Chronicon Brevnoviense et Ziegelbauer, Geschichte von Brevnov. Raigradium prope Brunam in Moravia situm 1048 in honorem principum Apostolorum a Bretislao I. duce Bohemiae conditum et Meinhardo abbati Brevnoviensi traditum est. Vide: Dudik, Geschichte von Raigern, I. s) Monacogradecium 1054 circiter conditum esse dicitur; nonaginta annis post in possessionem Cisterciensium abiit. V. Schaller, Topographie von Böhmen. 6) Frind 1. c. I. 7) Dobner, Monum. hist. Bohem.