Scriptores Ordinis S. Benedicti qui 1750-1880

29. Maii 1753 abbas est electus, cui dignitatis ultimus abbas Ossiacensis, praefuit usque ad annum 1783, quo anno monasterium illud Carinthiae pervetustum iussu imperatoris Iosephi II. extinctum est. Romanus miserandae monasterii sui sorti quinque annis superstes die 19. Iul. 1788 pie obdormivit in Domino. Scripsit : I. Epitome philosophiae rationalis. Salisburgi, 1749. 4

0. II. Praeiudieium ad regulás logico-criticas depositum. Ibid. 1749. 4

0. III. Principium iudicii veri, seu ratio sufficiens. Ibid. 1749. 4

0. IV. Qualitas sensibilis mechanice explicata. Ibid. 1750. 4

0. V. Commercium corpus inter et animam philosophice expensum. Ibid. 1750. 4

0. Zwettler Theodorus (Scotensis), Weitra in Austriae inferioris oppido natus 5. Iun. 1759 et propter sonoram vocis suae dulcedinem in convictum, quo iuvenes ecclesiae ad Scotos cantores educabantur, est receptus, ita ut in litteras etiam humaniores ibidem incumbere posset. Hac quinquenni consuetudine tantum rerum et instituti ad Scotos concepit amorem, ut absolutis laudabiliter in univ. Vindob. philosophiae studiis in monasterium B. M. V. ad Scotos suscipi supplex fieret. Unde 28. Oct. 1778 dato habitu religioso voti damnatus 8. Iun. 1783 sollemni iureiurando tempus in omne se Deo mancipavit, cuius et 5. Oct. 1783 sacerdos cooptatus, post decern dies hostia pacifica Deo primum litavit. Mox latior agendi campus strenuo iuveni aperiebatur. Missus est enim cooperator in recens creatam parochiam ad s. Laurentium in campo Scotorum 1786 ibique per sedecim continuos annos omnia muneris sui officia una omnium laude obivit. Ast non diutius subesse sed praeesse merebatur. Unde 1802 parochus ad s. Aegidium in suburbio, Gumpendorf dicto, factus, quinquennio post a recens 1807 electo abbate Andrea merito prior conventui et parochus ecclesiae monasterii praefectus est, cui utrique muneri ea cura et caritate per viginti propemodum annos praefuit, quam nulla profecto in animis posterorum delebit oblivio. Vita functus est 3o. Aug. 1826. Persuasum habens vir religiosissimus, musicam sacram efficacissimum pie1 tatis communis esse incitamentum, non solum quidquid hac in re praeclarum esset atque excellens comparavit, sed et ipse rei musicae pergnarus, cognitor iudexque acutissimus multos modos musicos reliquit manu scriptos, quorum duo „Tantum ergo" typis demandata sunt : Zwei Tantum ergo für Sopran und Alt mit Begleitung der Orgel. 1 vol. Fol. Viennae, apud Ant. Diabelli et Comp. Eigenthum der Verleger. Eingetragen in das Archiv der vereinigten Musikalienverleger. Zwyssig Geroldus (Murensis), natus est in Bauen in Urania Helvetiae die 15. Maii 1807, sollemnibus votis se obligavit die i.Maii 1825 et sacerdotium obtinuit die 4. Mart. i832. Fuit musices instructor, organoedus et organorum constructor, professor scientiarum naturalium. Suppresso monasterio in coenobio Fischingensi docuit, dein 1847 in pago Ermatingen curam animarum exercuit, i85o venit ad monasterium Gries tamquam capellae magister, anno vero insequenti capellaniam in Glaning prope Gries obtinuit, ubi studiis et instruction! iuniorum confratrum in musica et pulsu organi deditus vitam clausit die 16. Nov. 1874. Eius scientia et praxis in re