Scriptores Ordinis S. Benedicti qui 1750-1880
vinculo ita constricta sunt, ut nec emere nec vendere quidquam ex substantia monasterii sine licentia aulae regiae possimus. Eodem anno parva culina et refectorium hiemale in ambitu conventus inferiori exstruuntur et paludesmonasterium circumdantes exsiccantur; villa in Pribislavic in octo aequales partes distribuitur et sub nomine „Othmarsdorf" novis incolis elocatur. Sequenti ecclesia DomaSoviensis reparata, hortus spatiosus penes capellaniam ibidem plantatus; 18. Aug. 1789 primae noctis silentio magnum furtum in sacrario monasteriali patratum. Anno 1790 villa {seu curtis) Holasicensis, quae hucusque in medio pago sita erat, in loco altiori, ut nunc est, et in ripa fluminis extra monasterium habitaculum pistoris aedificatur. Quadriennio post praepositus Othmarus, qui in „dietam" electus multum temporis iterata vice Viennae commorabatur, novum horreum in curti „Raihradic" exstruxit, et 1796 nova incommoda deploravit, quae saeva tempestas cum grandine in festo corporis Christi 26. Maii circa mediam noctem territorio nostro Raigradiensi intulit. Seriem calamitatum, ne multus sim, iucundioribus claudam rebus, quae 1797 et i8o3 obtigerunt, quorum priori Othmarus praepositus post annos quinquaginta secundam suam emisit professionem, posteriori vero sacerdos iubilatus ad altare stetit. Irruptiones Franco-Gallorum in Moravian! annis 1801, i8o5 et 1809, quibus immensa damna monasterio sunt illata, quorumque computus ad 66.986 fl. aestimatur, nec non iussa tunc ad sublevandam belli molem patriae devoveri atque tradi utensilia argentea, quibus dissensiones in gremio fratrum accedunt, senem grandaevum ad impetrandam praepositurae abdicationem adduxerunt, quam mors inexorabilis i3. Iun. anno 1812 praevenit, quae Othmarum virum optimae indolis e tumultuosa hac vita ad requiem praeoptatam traduxit aeternam. Sub Othmaro praeposito 24 fratres professionem sollemnem et 2 iubilatam emiserunt. Series operum omnium Conradi Othmari Raigradiensis tum typis editorum, tum manuscriptorum: a) Typis prodierunt. I. Assertiones theologicae speculativo-dogmaticae de sacramentis in genere et de baptismo, confirmatione et eucharistia in specie — quas praeside Richardo Schaller defendendas suscepit Oth/C. 25. Aug. I 75 I, — sub Bn. 13699. Typis Brunae W. Linhardt. 175 1. 4 0. 8 fol. sub B. II. f. 37. I. bibl. II. Item: Conclusiones theologico-scholastico-dogmaticae ex 1. secundae s. Thomae Aquinatis, quas defendendas suscepit Othm. Conrad 31. Aug. 1752 praeside Rubin Bennone, sub Bn. 13705. Typis Brunae W. Linhardt. 1751. 4 0. 8 fol. sub B. II. f. 37. No. 3 bibl. III. Positiones theologico-dogmaticae de gratia salvatoris nec non de incarnatione magnis coelitibus martyribusque invictis s. Defendenti et Felicissimo — ab indignis eorundem exuviarum cultoribus dicatae, dedicatae et consecratae atque in principum apostolorum basilica antiquissimi in marchionatu Moraviae liberi et exempti monasterii Raigradiensis o. s. R. pro annua disputatione expositae a ... ex praelectionibus Othmari s. theologiae professoris. Anno 1760 die 26. Aug. horis antemeridianis. Brunae typis Eman. Svoboda. 4 fol. 4°. sub Bn. 13697. Sign. B. II. f. 37 bibliothecae nostrae. b) Manuscripta. I. In bibliotheca Raigradensi adservata: I. Tractatus metaphysicus onto-pneumatologicus exceptus a theol. studioso anno 1746 et
