Scriptores Ordinis S. Benedicti qui 1750-1880

Mayer Leodegarius (Murensis), natus in oppido Sulz Alsatiae superioris 1686, in monasterio Murensi 1699 studiis operam dare incepit, 1704 s. habitu indutus post annum vota emisit et 1711 sacerdotibus adgregatus est. Omnibus fere muneribus in monasterio perfunctus est, sc. professoris, bibliothecarii, parochi in Homburg, magistri novitiorum, oeconomi apud Muros, archivarii et tandem 1740

—54 decani. Intercedente nuntio apostolico Passionei postea S. R. E. cardinali, cum quo per totam vitam amicissimo foedere iunctus mansit, ad monasterium s. Germani Lutetiis Parisiorum missus est 1726, ut in Studium biblicum et liturgicum incumberet. Tamquam fructum huius studii edidit 1737 iam a Ziegelbauer (vol. III. p. 600) laudatam „Explicationem Caeremoniarum". De ipso referunt etiam, quod musices suo tempore peritissimus erat. Multa adhuc alia scripsit partim propria partim confratrum sub ipsius directione manu, quae memoria digna sunt. Obiit die 9. Apr. 1754. I. Archivium Murense, 32 vol. in fol. quorum 28 continent exempla omnium diplomatum, documentorum etc., 3 indices speciales, 1 indicem generalem seu repositorium, additis insignibus abbatum et conventualium. Nunc in archiv. Argoviensi. II. Compendium archivii Murensis, 3 vol. 1735, ad usum abbatum conscriptum. III. Annalium sive históriáé monasterii Murensis continuatio 1693 —1751- 3 vol. in fol. ultra 2300 p. In archiv. Muro-Gries. IV. Relatio eorum, quae monasterium Murense pro conservanda fide catholica praestitit. In archiv. Muro-Gries. A. I. 4. V. Epistolare ad usum abbatum pro missa pontificali. In sacristia Muro-Gries. VI. Falsi-bordoni ad usum chori Murensis a 4 voc. cum organo. In monast. Gries. VII. Relatio de translatione s. martyris Leontii, ap. Bolland. Acta Sanct. 15. Sept. Mayer Lucas (San-Blasianus), natus est in Gündelwangen in magno ducatu Badensi die 9. Ian. 1774; s. habitu indutus anno 1793; sollemniter professus die 22. Febr. 1795; sacerdos die 21. Sept. 1799. In paupertate natus, per dura et aspera gymnasium et Friburgi studia philosophica absolvit, theologicis in divo Blasio absolutis, in gymnasio San-Blasiano professor, paucos numerabat discipulos. Ab anno 1800 erat professor linguae Graecae in gymnasio Constantiensi, et iuvenes studiosos cum auctoritate docendo et educando ducebat. Anno 1804 Constantia avocatus primum in Todtmos, quo plurimi religionis causa peregrinabantur, dein in Oberriedt animarum curae sese impendit. Coenobio s. Blasii exstincto, confratribus in Austriam emigrantibus noluit se adiungere, saepius quippe offensus; etiam praefecturam gymnasii San-Gallensis in Helvetia honeste sibi oblatam suscipere recusavit; totus patriae victurus; in patria autem mox parochus in Nötgerswil, ab anno i8i3 parochiae in Gurt weil praefuit, ubi sua sorte contentus, felicem vitam agebat. Cum anno 1814 nosocomium militum ibi esset, anno 1817 parochiani dira fame et inopia laborarent, nulli labori parcens, solatio et auxilio illis succurrebat, quantum valebat. Ceteroquin absque ulla ostentatione officia boni pastoris implebat, otium scientiis impendit. Diutius aegrotans demum die 18. Iun. 1821 tranquille et placide ex hac vita decessit, cum magno parochianorum et vicinorum luctu. Theologiam in primis coluit practicam et pastoralem, et in archivo pastorali Constantiensi saepius