Scriptores Ordinis S. Benedicti qui 1750-1880

sua omnium suorum discipulorum animos ita sibi conciliavit, ut nemo sit inventus qui reverentiam et gratum animum illi denegaret. Fuit enim verus studentium pater, indigentiis eorum temporalibus non minori cura sublevandis intentus, ac progressui eorum in doctrina et morum probitate consulens, licet plerumque infirma valetudine et màlo gutturis in primis laborans. Quum anno 1849 institutum philosophicum una cum sic dictis classibus humanioribus in „gymnasium superius" elevaretur, tunc professor Kaliwoda etiam linguam et litteraturam slavicam edocendam suscepit, ast aegra valetudine blandis musis et dilectae iuventuti litterarum stúdiósáé valedicere coactus, ad finem anni i85o ad monasterium revertitur. Anno sequenti a mense Maio ad finem Decembris Nosislaviae amici sui Tesik parochi vice in cura animarum fungebatur, cum ille ob infirmitatem balneis Graefenbergensibus uti cogeretur. Redux mag'ister novitiorum constituitur et anno 1854 post obitum Victoris abbatis 22. Nov. legali forma votis unanimis abbas tertius Raigradiensis est electus, cuius dignitatis onera iam per quadrantem saeculi, corporis infirmitate et variis temporum infortuniis curarumque multitudine haud una vice oppressus, forti hucusque sustentât animo. Per longum hocce spatium non solum omnimodam fratrum indigentiis et internae domus directioni adhibuit curam, sed magis illam etiam ad extera negotia variis in casibus in rebus politicis, in susceptione hospitum, in ratione agendi cum magistratibus mirum in modum spectandam adeo praebuit, ut nullus antecessorum ipsi par, ipse omnibus dignior videatur. Moraviae ordinum conciliis per octo annorum decursum assidens forti et invicto animo iura conservativae partis semper tuebatur, nullis illectis neque blanditiis neque pollicitationibus. In primis vero qua curator instituti surdo-mutorum (ab anno 1809—73) plus una vice in favorem huius instituti sermone praecellenti sensus mentesque procerum in conciliis pertractabat atque ita effecit, ut ad.ampliandum instituti huius aedificium magna pecunia 10

.000fl. concederetur, fundationes fierent, salaria augerentur, institutio in arte gymnica ibidem introduceretur. Quibus rebus non solum omnimodam primus pro instituto hocce incitavit industriam, verum etiam in animishominumingenuorumaeque ac surdo-mutorum gratam sui memóriám reliquit. Ob praeclaram in domus nostrae moderamine manifestatam prudentiam ac dexteritatem supremum ordinis Teutonici magistrum archiducem Maximilianum virum optimae memoriae nec non eius successorem archiducem Guilelmum in reformando instituto sacerdotum ordinis praefati et in elaborandis 'statutis consilio adiuvit. Quaecumque graviorismomentifuere pars sic dicta nationalis conservativa Moravica plus una vice eius subiecit iudicio neque unum exstitit institutum humanitatis in provincia nostra, quod materiali aeque ac spirituali iuvamine non sublevaverit. Hinc etiam principum aeque ac procerum iure promeruit honorem et amicitiam. Ceterum Guntherus abbas nobis perdilectus omnem quam potuit curam et sollertem industriam rei oeconomicae etnecessitatibus monasterii impendit et larga benedictione coelesti accedente, aedificia varia partim aedificavit, partim ex integro restauravit, uti e. gr. domum nostram Brunensem, eccle-