Scriptores Ordinis S. Benedicti qui 1750-1880
II. Geschichte des Prämonstratenser-Stiftes Geras in Niederösterreich, (i. e. História canoniae Gerasiensis ordin. s. Norbert! in Austria inferiore.) Msc. HoffmannCaietanus (Admontensis), Pettovii in Stiria natus n.Dec. 1840, studiis in gymn. Graecensi laudabiliter absolutis, Admontes venit, votis sollemnibus se adstrinxit 21. Mart. i865, cum iam 7. Aug. 1864 neomysta steterit ad aram. Studiis academicis summa cum laude completis anno 1869 Graecium transiit, ubi munere professoris in c. r. gymnasio primo fungitur, soc. historicae Stiriae et soc. „innerösterreichische Mittelschule" sodalis. Opera: I. Ueber eine Admonter Pergamenthandschrift der Excerpte des älteren Seneca, (i. e. Manuscriptum perg. Admontense excerpta Senecae senioris continens.) Grazer Gymnasial-Festprogramm 1874. II. Ueber Tyrtäus und seine Kriegslieder, (i. e. De Tyrtaeo eiusque carminibus militaribus.) Grazer Gymnasial-Programm 1877. Hofmann Paulus Eerdinandus (Scotensis), die 2. Oct. 1798 in suburbio Viennensi, quod Laimgrube dicitur, in lucem editus, a pueritia tanta ingenii capacis et insignis memoriae ostendit specimina, ut 1807 puer novem annorum ad litterarum studia in gymnasio, quod dicitur ad Scotos, se conferre posset. Quibus magna cum laude absolutis 1814, litteris, quas vocant philosophicas, vacabat in univ. Viennensi. Quae studia cum iterum laudabiliter confecisset, invicibili ductus desiderio degendi vitam in illorum virorum coetu, quibus litterarum debebat elementa, ut in monasterium B. M. V. susciperetur, supplex est factus. Voti libentissime damnatus, cum die 14. Oct. I8I5 adulescens 17 annorum s. habitu esset indutus, vota, sollemnia emisit die 28. Oct. 1819 et absolutis s. theologiae studiis die 2. Sept. 1821 primum neomysta ad altare Dei stetit.. Statim deinde professor linguae Graecae in gymnasio monasterii designatus, libros 7 quibus pueri classium humanarum instituerentur ad lectionem Graecam, conscribere est iussus. Quod opus cum adprobantibus cunctis 1822 perfecisset, 1823 examina, quae rigorosa vocant, ex omnibus disciplinis theologicis ad obtinendum doctoris gradum tarn felici cum successu subivit, ut concepta 1828 dissertatione subtili de conciliis oecumenicis doctoris s. theologiae laurea decoraretur. Interim docendi in gymnasio ad Scotos fungebatur munere, quod nonnisi cum vita deposuit. Anno 1 831 cum procurator electus esset in univ. Vindob. nationis Austriacae, I832 facultati theologicae titulo decani praefuit, quo munere anno sequenti i833 abrenunciato, perpetuus eiusdem facultatis nótárius nominatus nec non procurator nationis Hungaricae est postulatus. Eodem anno patrónus 4 societatis constitutae ad sublevandos egenos litterarum studiosos adoptatus est. Quamvis ab anno 1824 totum sese litteris humanioribus tradiderit, tarnen orientalium quoque linguarum studio minime neglecto in primis linguae Sanscriticae haud exiguam navavit operam. Tantopere de litteris ipsis et de iuventute instituenda litteris meritus i836 ab ipso augustissimo imperatore large remuneratus est. Postquam vero anno 1842 examinator pro rigorosis in theologia pastorali tentaminibus designatus est, apoplexia serosa tactus extremum vitae spiritum edidit die 3o. Apr. 1842 annos natus vixdum 44. Conscripsit:
