Scriptores Ordinis S. Benedicti qui 1750-1880

anno 1742 notatur; sic titulus. Cod. arch, in 4

0. I sine pag. et comp, sub H. f. 10. Paulus noster semper scribens, semper studens, anno 1782 4. Mártii „prima exercitiorum die media prima post meridiem sedens ad mensulam et comedens apoplexia tactus, expiravit" — quem Alexius prior in coemeterio ecclesiae s. crucis sepelivit. Hartenschneider Udalricus (Cremifanensis), antea losephus, die 21. Ian. 1781 Lincii natus in gymnasio et lyceo urbis patriae humanitatis et philosophiae Studium emensus accepta die 29. Sept. 1797 ordinis veste theologicis litteris in lyceo Linciensi ita operam navavit, ut in nulla huius scientiae parte non excelleret. Ordini nostro per professionem die 28. Oct. 1802 nomine dato, 16. Decembris i8o3 sacerdos ordinatus est. 1803 Viennae cum laude adprobatus, in theologico instituto domestico históriám ecclesiasticam, annis 1804 et i8o5 simul philosophiae auditores doctrinam religionis docuit ; deinde per viginti quatuor annos professor históriáé universalis eruditissimus; anno i83o históriám naturalem docendam suscepit, collectionum naturalium copiam auxit, ornithologicam partem ipse constituit simulque parochiam Ried per triennium modo provisorio administravit. Cum vero anno i835 Ludovicus Bavariae rex in terris suis s. Benedicti ordinem restauraret, novi instituti Benedictinorum Augustae Vindelicorum erecti prior constitutus simul históriám naturalem docuit et ab episcopo Augustano examinator synodalis delectus, ab episcopo Linciensi consistorii consiliarius declaratus; i838 parochiam Pfarrkirchen adiit; 1840 moneta aurea Austriaca maiore cum torque, 1841 moneta aurea pro bonis meritis Bavarica ornatus, abdicata parochia in monasterium reversus iterato apoplexia tactus obiit die 21. Maii 1846. Rerum historicarum scientissimus et admirabilis memoriae dono praeditus hos conscripsit libros historicos: I. Darstellung des Stiftes Kremsmünster, (i. e. História monasterii Cremifanensis.) Wien, Doli. 1830. 8°. 470 p. Qui liber operis amplissimi: „Kirchliche Topographie von Oesterreich" tomo decimo continetur. II. Historisch-topographische Beschreibung der dem Stifte Kremsmünster einverleibten Pfarren und der in ihrem Bezirke befindlichen Schlösser und Edelsitze. (i. e. Descriptio parochiarum monasterio Cremifanensi incorporatarum arciumque et castellorum in finibus earum sitorum.) Wien, Wenedict. 1835. 8°. Supradicti operis tomus decimus quartus. III. Plures dissertationes historicas in „Hormayrs Archiv" vulgavit. Praeterea confecit dissertationem : IV. Ueber den vorzüglichen Werth des Studiums der Natur etc. (i. e. De insigni studii rerum naturalium fructu.) Augsburg, 1835. 8°. Hartlauer Wisintho (Cremifanensis), antea Franciscus, in civitate Enns superioris Austriae die 27. Sept. 1846 natus et in gymnasio Cremifanensi humanitatis studia edoctus die 2 5. Aug. i865 s. ordinis vestem recepit exactoque tirocinii anno ad institutum theologicum domesticum ad s. Florianum theologiae mysteria hausturus transiit; sollemni votorum emissione coetui Cremifanensium die 9. Sept. 1869 adscriptus insequentis anni die 3o. Oct. sacris initiatus est. 1870

—71 subsidiariam parocho saeculari in Wartberg opem tulit; 1871 —1874 cooperator in Thalheim et Weisskirchen; 1875 valetudinis causa in monasterio commoratus; 1876—77 subsidiarius