Scriptores Ordinis S. Benedicti qui 1750-1880

III. In D-Dur octo missae, pro 4 voc. cum instrum. IV. In A duae missae, item. V. In F très missae, item. VI. In B una missa, item. VII. In E una missa, item. VIII. In Es très missae,. item. IX. Missa adventualis pro dominica: „Gaudete" in D minor pro 4 vocib. cum instrumentis. X. Missa rorate in C, item. XI. Missa pastoralis in C, item. XII. Missa pastoralis in E, item. XIII. Missa pastoralis in A, item. XIV. Duae missae de Requiem in Es et C minor. XV. Quindecim Vesperae diversae. XVI. Litaniae de s. Nomine Iesu in Es pro 4 voc. cum instr. XVII. Responsoria pro s. Triduo. XVIII. Psalmus 50. Miserere in F, in C, in F minor, in C, in Es, in G minor. XIX. Motettae de B. M. V. octo. XX. Motettae de Sanctis duae. XXI. Tenebrae in B et F. XXII. Symphoniae etc. Haberl Norbertus (Mellicensis) ab honestis parentibus, praedii in Leestorf prope thermas austriacas administrationi servientibus progenitus die 20. Mart. 1809 vitae lumen adiit, et scientiis humanioribus in gymnasio Mellicensi, philosophicis Cremsii excultus, die 1. Nov. anni 1826 s. Benedicti vestem induit, deinde sollemnibus ordinis votis emissis, die 3. Oct. i83o gremio Mellicensi adscriptus, litterarum theologicarum studio domi confecto, sacerdotio inauguratus die 22. Apr. I832 neomystes sanctissimum missae sacrificium peregit. Anno 1834 ad veteris foederis linguarumque orientalium cognitionem clericis tradendam vocatus, cathedram hanc anno i836 cum convictus dirigendi munere, cui duobus annis elapsis catechetae in gymnasio Mellicensi officium accedebat, commutare iussus ; hoc instituto autem duobus classibus aucto, anno 1848 simul planimetriae, I85I históriáé universalis et patriae, postea linguae Latinae docendae professor nominatus est. Fuit praeclaro huic viro tam rara aetatis iuvenilis ingenuis artibus instruendae bonisque moribus formandae dexteritas, ut a cunctis ipsius curae traditis non minoris aestimaretur, quam singulari amore complecteretur, eosque perenni gratissimi in magistrum et amicum paternum animi vinculo sibi obstrictos videret. Sic praestantissimis ingenii animique dotibus, et quod pluris est, magno virtutum, quae hominem, praeceptorem, sacerdotem et vitae religiosae addictum decent ornantque numero resplendens, augustissimi et clementissimi imperatoris Francisci Iosephi diplomate die 5. Dec. i856 subscripto, civibus aurea meritorum cruce cum corona decoratis adiungi dignatus est; quo novo eoque insigni ad honesta et praestantia quaevis enitendi stimulo addito, continuam assiduamque muneribus sibi demandatis operam navare non destitit, donec die 7. Sept. in vineam Domini colendam translatus parochiae Leobersdorfensi regendae praeficeretur, ubi ecclesiae parietes fornicesque, Ioannis Schilcher celeberrimi Vindobonae pictoris laudatissima manu exornati, gratam parochi bene merentis memóriám posteritati servabunt. Ibi brevi tempore adversa valetudine afflictari coepit, quae postea recuperandae sanitatis spem valde dubiam reliquit, cum malum, quo laborabat in hepatis atrophiam indeque exortam hydropisin degeneraret, omnibusque artis remediis obsisteret. Die 2. Iun. anni 1862