Bessenyei József: Diósgyőr vára és uradalma a XVI. században - források - Tanulmányok Diósgyőr történetéhez 2. (Miskolc, 1997)
Bevezetés
castellani ipsi aliquam excusationem praetendere possent, nisi etiam literas quietantiae nomine meo, quibus eos quietos et expeditos reddo de restitutione et ad manus vestrae sacratissimae ma- iestatis resignatione arcis ipsius. Quas quidem literas meas quie- tantie vestra sacratissima maiestas literis suis propriis clementer redimere poterit, dum vestram sacratissimam maiestatem Caesaream Deus optimus maximus reduxerit. Misi etiam ad dominum Franciscum Zay et Franciscum Pesthy copiam reversalium litera- rum et iuramenti illius, quo castellani ipsi vestrae sacratissimae maiestati adhuc vivente ipsa domina obstricti fuerant, ut eam quoque ad maiorem cautelam habeant. Praeterea scripsi eis, ut castellanos et officiales eiusmodi ibi constituant, qui non sint suspecti, sed vestrae sacratissimae maiestati caesareae fideles sint, et portarios quoque ac pedites curare faciant ad fidelitatem vestrae sacratissimae maiestatis et insuper, si opus fore videbitur arci ipsi etiam de sufficientibus victualibus provideant, et deinde totam negocii huius seriem et processum mihi perscribant. Credo itaque eos curam eius rei habituros diligentem, et postea cum mihi perscripserint, quo modo et ordine negocium gesserint, et perfecerint, ego veluti fidelis et humilis servitor et capellanus statim vestrae sacratissimae maiestati caesareae humilime perscribam. Quod reliquum est, Deus optimus maximus vestram sacratissimam maiestatem una cum serenissimis liberis suis dominationibus meis clementissimis felicissime et diutissime conservare dignetur. In cuius gratiam me et fidelia ac perpetua servicia mea iterum humilime commendo. Posonii, 3. die Marcii. Anno 1563. Eiusdem vestrae sacratissimae maiestatis caesareae fidelis et humilis servitor et capellanus Strigoniensis mp. 38
