Bessenyei József: Diósgyőr vára és uradalma a XVI. században - források - Tanulmányok Diósgyőr történetéhez 2. (Miskolc, 1997)
Bevezetés
custodiae arcis rerumque ac pecuniarum relictarum praesunt, nescitur quam in partem eorum mentes possunt duci. Mea igitur exigua opinione pro commodo sacratissimae maiestatis vestrae fore videtur, ut statim certos suos commissarios ad occupandam arcem Dyosyewr expediret, qui omnes res et pecunias (quarum partem fortassis iam dissipatam esse credo) per juramenta inquirant et annotent. Digneturque sacratissima maiestas vestra aliquem fidelem subditum suum virum gravem atque rei militaris exercitum in eandem arcem Dyosgyewr substituere, qui habita de omnibus eiusdem arcis et pertinentiarum suarum proventibus optima ratione, custodiae arcis ac eius praesidio praeforet, et quoniam non hesito, perplures esse forent, qui dictam arcem Dyosgyewr a sacratissima maiestate vestra pro summa aliqua seu inscriptione, aut alio quovis modo impetrare tentabunt, eiusdemque arcis et pertinentiarum proventus (quo ipsam facilius acquirere valeant) paucissimos esse sacratissimae maiestati vestrae proponent, eidem sacratissimae maiestati vestrae domino et imperatori clementissimo supplico humillime, dignetur iamdictam arcem Dyosgyer pro se servare, certum enim est, quod in hiis regni partibus superioribus excepta Agria nulla arx est, quae ampliores proventus haberet, quod ista Dyosgyer praesertim in vino habet, ita ut non solum milites pro custodia eiusdem loci necessarii debito modo ex ipsis proventibus contentari, verum etiam non exigua eorum pars quottannis ad fiscum sacratissimae maiestatis vestrae colligi et converti possent, solummodo fidelem et diligentem administratorem habeant. Quod sacratissimae maiestati vestrae pro fide et fidelitate mea, humillime duxi significare. Eiusdem sacratissimae maiestatis vestrae fidelis et humilis subditus Franciscus Pestyensis mp. 35
