Nagy Júlia (szerk.): "Mennyei parnasszus" Sárospataki diákok halottbúcsúztató versei - Acta Patakina 16. (2004)
Versek
8. Hétzei István EPICEDIUM in funere immaturo Humanissimi VIRI SAMUELIS P. SZATHMÁRI in Schola S. Patakina Civis Primarii dignissimi Anno M DCCLXXIV Die 17a Februar defuncti. Ov cpitei 0eos, 'ajioBvrioKEi veos Menander Flebilis indulge lacrymis Studiosa Juventus, Lurida promissam solve per ora comam. Occidit haec! Samuel Szathmári in flore iuventae Et qui dignus erat vincere fata, iacet. Ante diem immiti Parcarum numine raptus Tendit ad Elysias flebilis umbra domos Proh superi! busto bona quot conduntur in uno Quot secum dotes abstulit una dies! Dicite, num gnavo merces venit ista labori, _ Et pretium ingenio mors properata manet? Ergo et Pieridum semper gratissima cura, Cogitur infernas tristis adire domos? Quem puerum ad cultas rapuit sacer impetus artes Iniicit huic saevas mors nec opina manus? Quin magis indoctam superi subducite plebem, Quarum pressa gravi pondere terra gemit. Splendida de fatuis sumatur praeda Vacerris, Vita quibus pecudum more peracta fluit. Sed cur haec querimur? nam vel doctrina velartes. Quemnam Taenariis eripuere vadis? Nec TIBI, Musarum gratissima cura, licebat Aonidum studio spernere iura necis. Sed non totus obis, quam vis videaris obisse, Optima pars de Te nempe superstes agit. Nos comites nigri dum cogimur ire feretri, Dicimus: AEternum, O vmbra beata, vale. Stephanus Hétzei. 42
