Dienes Dénes: Minthogy immár schola mestert tartanak... Református iskolák Felső Magyarországon 1596-1672. - Acta Patakina 4. (2000)
Iskolai törvények - Tarcal
TÖRVÉNYEK probati autoris expedite recitato; cum peregrino interea linguae discendae gratia unicuique potestas nativo sermone loquendi conceditur, secus non. 5. Qui materiam orationis solutae aut ligatae a Rectore exhibitam, contemserit: neque versus aut orationem proprio marté ex illa compositum Rectori obtulerit, pro stylo quinque, pro oratione decem numis mulctator. 6. Rixantes, altercantes, vestibus indecoris utentes, vociferantes, famose invicem denominantes, commilitonibus verbis aut factis molestiam exhibentes, calumniantes, futiliter jurantes decem; ad arma provocantes, aut plagam infligentes, viginti quinque numis mulctantor. 7. Quicunque vineta, hortos, sepes, palos diripuerit, sepemque scholae transilierit, primum viginti numos, secundo quinquaginta pendito, tertio plagis castigator. Si vero adhuc a maleficio cessare noluerit, ex consortio nostro tanquam scabiosa pecus ejiciatur. 8. Qui nocturno tempore extra scholae limites noctem egerit, principio viginti quinque denarios solvat: postea cum ignominia schola pellatur. 9. Maceriei urina conspurcatores, aut cloacae defoedatores duos numos pendunto. 10. Boni ordinis turbatores castigationem verbalem subeunto. 11. Oeconomus si neglexerit signum ad preces hora septima dare duorum: octava portam claudere: quatuor; tertia adaperire: trium; deliquentes annotare: sex; mundiciem bis in septimana curare: trium; officium oratione non habita resignare: quindecim numorum pensione punitor. 12. Si oeconomus mulctam a deliquentibus ante completum eoconomiae tempus officium exigere praetermiserit, aut decem numis privator; aut totidem psalmos Davidis recitator. 13. De coeteris poenis, quae hic expressae non sunt, Rector cum seniore dispensabit. 14. Qui meritam poenam contumaciter subire respuerit: is aut oratione proprio marté composita caetum scholasticum complacator; aut e contubernio scholastico excluditor. Auditores majores: Gregorius Szixai, Stephanus Szepsi, Petrus Lizkai, Joannes Merai, Stephanus Szixai, Jacobus Feketepataki, Matthias Tardi, Joannes Szintai, Matthias Szaraszi, Joannes Szixai, Joannes Zempléni, 278
