Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 2. (Budae, 1832.)
in Wyssegrad. In festo Beati Demetrii Martyris» Anno Domini MCCCXXIV. Nos igitur vestrae Excellentiae mandatis satisfacere cupientes, vt tenemur, discretum virum, Magistrum Petrum, Notarium nostrum, cum eodem Philippo liomine vestro pro testimonio ad exequenda praemissa duximus destinandum; qui demum ad nos reuersi retulerunt: quod feria secunda infraoctauas omnium Sanctorum proxima, ad faciem praedictae possessionis Nymygh accedendo, conuocatis vicinis et commetaneis eiusdem, videlicet Benedicto, filio Bartholomaei, Ioanne filio Gregory, et Martino filio Ladislai, Nobilibus deMuse, et aliis, quorum interesse debuit, eamdem possessionem Nymygh cum Ecclesia Beati Nicolai ibidem constructa, per veteres metas reambulando , statuissent eidem Magistro Laurentio perpetuo possidendam, nullo contradictore apparente; cursus autem metarum possessionis eiusdem taliter distinguuntur: etc. Datum die Sabbathi ante festum Beati Martini confessoris Anno superius notato. Nos siquidem ex huiusmodi relatione et tenore litterarum dicti capituli Iauriensis recognoscentes certitudinaliter praedictam possessionem ad nostram pertinuisse et pertinere collationem, attendentesque fidelitates et fidelium seruitiorum praeclara merita diusdem Magistri Laurentii, quae nobis et regno nostro in diuersis expeditionibus et locis oportunis cum efusione sui sanguinis et caede quam plurimorum proximorum et seruientium suorum, laudabiliter exhibuit et impendit, quae quia propter sui pluralitatem praesentis scripti serie suo modo per singula comprehendi non possunt, haec pauca de seruitiis eisdem ad memoriam Posterorum praesentibus