Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 3. (Budae, 1835.)
tri Horvathi, et alter Johannes crucifer Prior Auranae, nostri notorii infideles, cum coeteris nostris infidelibus ipsis adhaerentibus, Serenissimas Principes Dominas Elisabeth matrem, ac Mariam conthoralem , nostras charissimas, dictorum regnorum nostrorum Reginas felicium recordationum, prope civitatem Gara vocatam , in conflictu eorundem personali, ibi cum nostris fidelibus commisso , et interemptione plurimorum nostrorumfidelium praedictorum, contra eosdem Johannem Horwathy et alterum Johannem Cruciferum, ipsorumque sequaces, in defensione dictarum reginarum ferventer dimicantium, captivassent; in qua quidem captivitate ipsa Domina mater nostra, proh dolor! per eosdem miserabiliter extitit interempta , praefatus Johannes Banus ideo vt ipsis Dominabusreginis , matri et conthorali nostris charissimis, alicuius defensionis subsidium impendere potuisset, in area ipsius certaminis et conflictus, ab ipsis nostris infidelibus gravissima ad se laesionis suscepit vulnera, ubi etiam per eosdem detentus extitisset. Tandem vero, dum fideles nostri, vir Magnificus Nicolaus de Gara, tunc Banus Machoviensis, et Stephanus de Losoncz, iuxta oppidum de Tergwelgh (Cservig) cum eisdem Johanne de Horvathy nostro infidele, et eius sequacibus conflictum commisissent personalem, tunc etiam idem Johannes Banus, non formidans suae personae periculum, conflictu in eodem contra eosdem 110stros infideles , cum sui sangvinis effusione, et vulnerum susceptione , Nobis idem fideles exhibuit famulatus. Insuper dum nefandissimi crucis Christri hostes, vtpote Turci, valido eorum cum exercitu Comitatum nostrum Syrmiensem hostiliter subintrassent; tunc idem Johannes de Maroth Banus,