Circulares literae dioecesanae anno 1905 ad clerum archidioecesis strigoniensis a Claudio Francisco Cardinale Vaszary principe primate regni Hungariae et archiepiscopo dimissae

I.

2

runt supremum ecclesiae moderatorem Urbanum VIII. precibus, ut fidelissimi servi Dei:

Marcus Crisinus E. M. Strigoniensis Canonicus, Archidiaconus Comaromiensis, bonorumque abbatiae Széplak administrator; porro

Stephanus Pongrdcz et

Melchior Grodecius celeberrimae Societatis Jesu presbyteri, „ceu veri Martyres publice coli et invocari licite possint

Multiplicatis ad reliquias Venerabilium horum Servorum Dei Tirnaviae in claustro monialium s. Ursulae pie custoditas prodigiis, Georgius Lippay denuo pro indul- gendo supplicavit publico cultu.

Duo circiter gravissimi momenti causa quievit saecula.

Non cessavit autem, imo continuo crevit fidelium erga Venerabiles Servos Dei pietas. Non cessarunt, quin imo de dic in diem augebantur ad reliquias Eorum facta mirabilia.

Vestigiis igitur praedecessorum suorum insistere cupiens Card. Joannes Sci- tovszky supplicationem iterato jam Sacrae Sedi substratam instaurare constituit.

B. m. Pius PP. IX. lubens instan- tissimis accommodavit aures precibus et acta quoad causam mortis, famam martyrii, necrion miracula intercessione Servorum Dei subsecuta sollertissime investigari jussit. Inquisitione peracta, favorabilem S. Bit. Congregationis sententiam probando, benignissime indulsit, ut processus canonisationis aperiatur et introducatur.

Summopere felices nos existimamus causam diebus nostris fuisse ad finem perductam et solemnem Beatificationem Martyrum Nostrorum 15-a, Januarii a. curr. Romae promulgandam fore.

Possibile baud est, ut splendidis personaliter omnes assistamus Beatificationis festivitatibus. Advolemus igitur saltem in spiritu ad Urbem Aeternam et ferventis- simis exoremus Beatos Martyres precibus, ut nobis succurrere, opibusque nos intercessionis suae juvare dignentur!

Ut autem laetitiam nostram exterius quoque manifestemus et quo Beatos Martyres prosequimur honorem contestemur, sequentia praescribimus exsequenda.

1. Pridie festi SS. Nominis .Jesu solemnes asserventur lytaniae coram exposito Sanctissimo.

2. Vesperi post consuetum pulsum in omnibus ecclesiis spatio unius quadrantis sonent campanae.

3. In festo Sanctissimi Nominis jesu solemnis habeatur Missa cum „Te Deum“ et sermo sacer agat da Beatis Martyribus.1

4. Post meridiem pariter solemnes asserventur coram exposito Sanctissimo lytaniae.

Vestrum erit conari Ven. Fratres, ut festivitates hae (pio solemniores reddantur, fidelesque iisdem quo majori intersint numero. Velitis igitur solemnitates has cum fidelibus praevie ex suggestu sacro communicare et pro s. Missae sacrificio cum „Te Deum“ asservando magistratus locales, consociationes catholicas, necnon studiosam juventutem debita forma invitare.

Agamus Fratres Dilectissimi gratias quam plurimas Omnipotenti Deo pro exaltatione hac Servorum Suorum,. Oremus toto corde, dignetur concedere propitius, ut quorum meritis gaudemus, accendamur exemplis.

1 Commendamus hunc in finem opera haec recentissime publicata: Hennig Alajos S. J. A három kassai vértanú. Kalocsa. — Komárik István S. J. A három kassai vértanú. Budapest. Stephanaeum-nyomda.

V